“فهمتوني غلط”.. ميرهان حسين تتراجع عن قرار اعتزال الفن
تراجعت الممثلة المصرية ميرهان حسين عن قرار اعتزال الفن، مؤكدةً أنها لم تكن تقصد ذلك منذ البداية، بل كان هدفها فقط الابتعاد عن مواقع التواصل الاجتماعي لفترة من الوقت.
وتوجهت ميرهان في مقطع فيديو على “إنستغرام” برسالة شكر لكل من وقف إلى جانبها خلال الفترة الماضية، قائلةً: «أولا وحشتوني جداً، وآسفة أني اختفيت عنكم الفترة دي، واختفيت عشان أرجع أحسن من الأول، بجد مش عارفة أشكركم ازاي على حبكم واهتمامكم اللي شوفته الفترة اللي فاتت شكراً لكل أصحابي وأهلي زمايلي والناس اللي بتحبني، وفعلاً لولاهم مكنتش هعرف أعدي الأيام اللي فاتت دي».
وأضافت: «بخصوص موضوع اعتزالي، أنا لم أكن أقصد إني بعتزل الفن أنا كنت أقصد إني بعتزل السوشيال ميديا، اعتزل الناس لفترة؛ عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب، وبوقفة الناس اللي بيحبوه جنبه بيقدر يعدي الوقت الصعب ده».
واختتمت الممثلة المصرية حديثها بالقول: «فعلا بوقفتكم جنبي وحبكم ليا إن شاء الله قادرة أعدي، وأوعدكم الفترة الجاية بحاجات حلوة وميرهان اللي بتحبوها، بجد شكراً».
وكانت ميرهان قد أعلنت في بداية شهر يونيو/حزيران الجاري أنها اعتزلت مجال التمثيل، مشيرةً إلى أن قرارها جاء بسبب ما تعرضت له من ظلم وعدم تقدير، بحسب تعبيرها.
