بوسي تبكي في “عندي سؤال”
لم تتمالك بوسي دموعها وهي تحكي عن شعورها بافتقاد السعادة والحب والاهتمام خلال استضافتها في برنامج “عندي سؤال”.
وحكت بوسي عن أصعب فترات حياتها وقت زيجتها الأولى مشيرة إلى أنها فكرت في الانتحار.
وقالت بوسي: “جيه عليا وقت زمان أيام جوازتي الأولى وصل بيا مرحلة من كتر اللي كنت شايفاه والأسى والبهدلة اللي شفتها كنت ممكن أموت نفسي كنت هعمل جريمة من الاتنين يا هقتل يا أموت نفسي عشان أخلص من العذاب اللي كنت فيه، بس طبعا أنا عمري ما كنت أعمل في نفسي كده إني أقتل في الآخر هدخل نفسي في داهية متستاهلش، ثانيا أموت نفسي وأموت كافرة ليه؟ عشان كده ربنا رحمني من عنده”.
وأجابت بوسي على سؤال إن كانت تشعر بالسعادة قائلة: “اللي ناقص في حياتي السعادة والراحة، سعيدة باللي وصلت له بس كنت حاسه إني استحق أكتر من كده بكتير، السعادة دي كلمة كبيرة أوي أن يبقى في حياتك ناس بتحبك، أنا ناقصني حب وحنان واهتمام اتحرمت منهم جامد”.
تابعونا على الفيسبوك
وحكت بوسي عن والدتها وتأثيرها في حياتها وقالت: “أمي الحمد لله كانت معوضاني عن حاجات كتير أوي بس من ساعة ما أمي راحت بقى ناقصني حاجات كتير أوي، أو يمكن اتبهدلت من بعدها، هي اتوفت سنة 2006 وكان عمري 17 سنة، كل البلاوي اللي حصلت في حياتي كان من بعد موت أمي”.
وأكملت بوسي: “أمي كانت السند والضهر والحنية اللي في الدنيا كانت معوضاني عن غياب أبويا مع أنه كان موجود وعايش بس مش معانا، هو طول عمره مش موجود الله يرحمه بقى ويسامحه”.
شاهدوا أيضاً: باسل الخطيب يعود للدراما الخليجية
